نصائح للبنات عند اختيار الطرح اجمل لفات الطرح المناسبة للوجه ولون البشرة

[حنان المصرية]

نصائح للبنات عند اختيار الطرح اجمل لفات الطرح المناسبة للوجه ولون البشرة

لاختيار طرحة تليق بلبسك




تقول فى هذا المجال خبيرة التجميل فوزية عاصم:




فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها..
ابعدي عن الأقمشة "الناشفة" لأنها صعبة في الربط ، خلي عنيكِ على نوعية الأقمشة الناعمة والأقطان ، الحرير ، الحرير على قطن ، الشيفونات بأنواعها كلها خامات حلوة جداً ومناسبة وعملية ...
بأكد إن الإيشارب مهم إنه يكون عملي في اللف ، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.


عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...




لون الطرحة حسب لون اللبس


بني مع بيج او سكري
زيتي مع تفاحي او اخضر فاتح
ازرق مع الاسود
رصاصي مع روز هادئ


البني مع البرتقالى
الفيروزي مع السماوي




علاقة لون البشرة باختيار لون الطرحة


أصحاب البشرة البيضاء بيليق عليهم الألوان الغامقة زي الأسود والكحلي والأخضر والأحمر الغامق والذهبي الغامق... وطبعا مش بيليق عليهم الألوان الفاتحة زي الأبيض أو الأصفر الفاتح أو الرمادي الفاتح


أصحاب البشرة السمراء أو الداكنة فالحاجة المناسبة لهم هي الإيشاربات الفاتحة طبعا زي "الموف الفاتح"و"التركواز" و"الفوشيا" و"الأخضر الفاتح
البشرة السمراء دي ميزة لأنها مابتعجزش بسرعة وما بيبانش فيها أي تجاعيد بسرعة


ملحوظة : البني جميل جداً مع كل ألوان البشرة




اخطاء تجنبيها عند لبس الطرحة



شوفي لو مثلا البنت وجهها طويل : يبقى تحاول تعمل الطرحة لتحت في اتجاه الخلف أو على جنب ، وبعدين تقصر الجبهة وتضيف أي حاجة على الجانب علشان الوجه يبان إنه عريض ... وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر .

طيب لو وجهها مدوّر : يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق


ولو مستطيل او مربع

دلوقتي عايزة أقول شوية نصائح للبنت اللي أول مرة تلبس حجاب.. وعلى فكرة النصائح دي برضه مفيدة لأي بنت محجبة...


-1-
ما تحاوليش تجيبي الطرح الصعبة زي الستان أو المكشكشة أو الحرير أو الطرح اللي فيها تطريز كتير لأن كل ما كانت الطرحة بسيطة وما فيهاش تطريز كتير هتكون أسهل في اللبس ، وعلى فكرة القطن مناسب جدا هو والشيفون التقيل أسهل في الربط من أي طرحة تانية.


-2-
لو كنت بتشتكي إن الطرحة بتاخد منك وقت طويل في اللبس يبقى ممكن تلبسي بندانة قطن تحت الطرحة وده لأن البندانة هتساعدك إنك تربطي الطرحة بسرعة.
كمان خدي بالك إنك لو هتلبسي طرحة شفافة وهتبين شعرك من تحت يبقى المفروض تلبسي تحتها بونيه خفيف أو طرحة تانية قطن .


-3-

أنصح أي بنت لسه هتتحجب أو تلبس إيشارب جديد إنها تاخد بالها من لبسها لأن اللبس عليه عامل مهم جدا في اختيار الإيشارب ، فمينفعش تلبسي ضيق من تحت وتكوني محجبة لأن بكده هتكوني منتقدة أوي ، وياريت قبل ماتتحجبي تظبطي لبسك وتجيبي هدوم واسعة مناسبة للحجاب.


-4-
اوعي تلبسي طرح فيها تطريز وحاجات بتلمع كتير وأنت رايحة الجامعة أو الشغل الصبح، لأن ده شيء مرفوض تماما ومش مناسب للجامعة أو للشغل وبيقلل من شياكتك.



السعر على حسب الخامة


كل خامة في الإيشاربات ولها ثمن محدد ومعروف، يعني مثلا ما ينفعش حد يقول لك إن القطن اللي فيه تطريز بأقل من 50 أو 60 جنيه وعلى فكرة القطن السادة بيبدأ من10 جنيه وبيوصل لغاية 30 جنيه
أما الشيفون فبيبدأ من 20 أو 30 أو 40 جنيه، ده في حالة لو فيه تطريز خفيف مش كتير
أما الطرح المكشكشة فدي بتكون في حدود 15 أو 20 جنيه بالكتير جدا ممكن توصل إلى 25 لو فيها تطريز، لكن الستان هو اللي بيبقى غالي شوية ، هو والحرير. وفيه حرير بيوصل لـ90 أو 120 جنيه ، وده ممكن تلاقيه في المحلات الكبيرة والمولات زي "جنينة مول" و"سيتي سنتر" و"سيتي ستار​