لماذا محمد يا جماعة ::...

[همسات حائرة]

لماذا محمد يا جماعـة ::...

​

لماذا محمد يا جماعـة::...

ليه محمد بن عبد الله عليه الصلاة والسلام ؟؟​

أنا عايز لسانك ما يبطلش معايا كلمة "عليه الصلاة والسلام"​

كان أطيب واحد مشي على وجه الأرض​

أحكم واحد مشي على وجه الأرض​

أطهر قلب مشي على وجه الأرض​

أكتر واحد عبد ربنا على وجه الأرض​

أرحم إنسان مشي على وجه الأرض​

لماذا محمـــد؟؟​

ليه الكفـرة عبدة الكلاب والخنازير​

لسانهم يلمس رسول الله​

إشمعنــى؟؟!​

علشان مش أي إنسـان​

ده رسول الله عليه الصلاة والسلام​

علشــان مختلف​

علشــان متميز​

ودايما المتميز بيثير غضبهم​

لو في إنســان من عباد الشهوات والخلاعة والمجون :: كانوا فكروا يحاربوا كده ؟!​

لاااااااااا طبعا​

هما منجوسين مش بيشلهم ولا بيستفزهم​

غير الطاهر اللي بيشل عقلهم بمعجزاته​

وتفكيره اللي سبق تفكيرهم من زمااااان​

فليموتوا بغيظهم​

إحنا بقي عايزين نثبت لهم إننا أد إيه بنحبه​

ولو بس مسّتوه بكلمة واحدة هتشوفوا أد إيه حبنا ليه هيزيد وهنقرفهم​

هنتمسك بسنته​

أي حاجة من بلاد الكفر نقاطعها ::​

جاتهم القرف في حاجتهم اللي أصلا مش عارفين متصنعة من إيه !!!

أي حاجة هتغضب الرسول ولو عايش وشافنا بنعملها :: نبطلها ونتوب منها​

أيوة بقي عايزين نفوووووووق​

كفااااااية بقي يا شباب ​

بلاد الغرب دول لو شايفين شباب غيران علي دينه

شباب قوي معتز بدينه كان عمل كده؟!!​

لا ورب الكعبة​

لكن إحنا اللي جرأناهم​

لكن لسه قدامنا الفرصة أهو​

هنفوووق والا لأ​

هنثأر لنبينا والا لأ​

هنخليهم يندموا والا لأ​

بجد لازم نرجع لعهد القوة والشجاعة​

مش عهد الضعف والرضوخ لمهلكاتهم الملعونة​

و حسبي الله ونعم الوكيل​

الطريق الوحيد اتباع الرسول عليه الصلاة والسلام ​

يا جنة يا نار​

سلسلة السيرة اللي إحنا فيها دي يا جنة يا نار​

​

 

[همسات حائرة]

رد: لماذا محمد يا جماعـة ::...

أي طريق هتحاولي توصلي لربنا منه إلا طريق محمد عليه الصلاة والسلام

مقفول مش هيقبل عليه الصلاة والسلام​

يا جماعة إحنا هنتكلم عن أكتر واحد ربنا حبه في الكون​

هنتكلم عن أحب حبيب إلى الله سبحانه وتعالى​

سيدنا محمد عليه الصلاة والسلام ​

كااام واحد..كام واحد نجا من النار بسببه ..كام واحد دخل الجنة بسببه

ده أي واحد عايز يبقى غني بيهتم بسيرة الأغنياء عشان يعرف يبقى غني إزاي​

واحد عايز يبقى مخترع يهتم بسيرة المخترعين​

عايز يبقى عظيم يهتم بسيرة العظماء​

طب اللي عايز يوصل لربنا​

اللي عايز ربنا يحبه اللي عايز الفردوس الأعلى​

يهتم بسيرة الرسول عليه الصلاة والسلام أد إيه؟​

"لماذا محمد"..السلسلة دي هدفها اعتذار لرسول الله صلى الله عليه وسلم​

عذرا يا حبيب الله ..عن كل واحد ماعرفش قدرك​

عن كل واحد ماعرفش مقامك ​

عن كل واحد اتبع غيرك

عذرا يا حبيب الله إن إحنا ماعرفناش قدرك أد إيه​

عذرا يا حبيبالله يا اللي قلت "لا يفلح قوم شجوا رأس نبيهم"​

أمّال كيف يفلح قوم لم يعرفوا قدر نبيهم صلى الله عليه وسلم​

لماذا محمد؟​

يعني إيه لماذا محمد .. ليه هو اللي ربنا اختاره​

ليه هو أحب حبيب الى الله ..​

ليه هو صلى الله عليه وسلم أحب حبيب لقلوبنا كلها ..​

ليه هو الشخصية اللي العالم كله مستنيها مرة تانية​

عشان سنته تنقذ البشرية​

لماذا رسول الله صلى الله عليه وسلم​

يا جماعة..يا جماعة كان لو ربنا اختار كسرى أو قيصر كان نصف العالم دخل في الإسلام في أسبوع واحد​

ليه ربنا يختار محمد الشاب الفقير اليتيم الوحيد اللي قاعدعلى رأس جبل​

مهجور في غار مهجور وقاعد لوحده بالأيام والليالي ذوات العدد​

يا جماعة النبوة وهب مش كسب ..​

يعني مش أي واحد يقعد على جبل يعبد ربنا هيبقى نبي​

بس إيه اللي كان فيه مش موجود في الدنيا كلهاعليه الصلاة والسلام​

ابن مسعود بيقول إن الله نظر إلى قلوب الخلق جميعا فوجد أطهرها قلب محمد فاصطفاه لنفسه​

تخيل لو في مائة مليون قلب على وجه الأرض ساعتها​

مائة مليون قلب اتعرضوا على ربنا كان أطهر قلب فيهم وأعظم قلب فيهم​

ليه يا جماعة هو أحب حبيب الى الله​

مين اللي حفظه لما قريش كانت بتطارده في الهجرة وحاصروا بيته من كل الجهات عشان يقتلوه​

مين اللي حفظه لما كان في غار ثور لو نظر أحدهم تحت قدميه لرآه​

مين اللي حفظه لما سراقة بن مالك أدركه بالفرس بتاعته و ساخت أقدام الفرس في الرمل​

مين اللي حفظه لما الأعرابي سرق السيف بتاعه وقال له :من يمنعك مني​

مين اللي حفظه لما الصحابة انفضوا من حواليه في أحد وحنين وربنا نزل له الملايكة تدافع عنه وتحميه​

مين اللي حفظه عليه الصلاة والسلام من كل محاولات الاغتيال والقتل اللي اتعرض ليها من يوم مبعثه لقبل ما يموت​

ليه هو أحب حبيب إلى الله​

ليه أحب إنسان وأحب مخلوق لقلوبنا هو رسول الله صلى الله عليه وسلم ما تبطليش بقى​

تدفعي كام وتشوفيه لحظة ؟​

تدفع كام وتقعد معاه ساعة ؟​

تدفعي كام وتبقي معاه في الجنة ؟​

تعيشي معاه في الجنة في الاخرة ؟​

اسمعوا الحديث الخطير ده​

" المرء مع من أحب " ​

​

 

[همسات حائرة]

رد: لماذا محمد يا جماعـة ::...

معاه فين يا رسول الله


معاه في الجنة

يعني لو حبيناه تبقى معاه في الجنة؟

الحديث ده مفتاح الفردوس الأعلى يا جماعة


ماتحبهوش إزاي وإنتي لولاه كنتي بقيتي فحمة في جهنم؟

ماتحبهوش إزاي وإنت لولاه ماكنتش عرفت طريق الجنة ؟

ماتحبهوش إزاي وهواتعرض عليه الملك والمال والمركز عشان يتخلى عنك ويسيبك ومارضاش إنه يسيبِك ويتخلى عنِك

ماتحبهوش إزاي وهو أحب مخلوق الى الله؟

مانحبهوش إزاي وكل شيء في الدنيا حبه ؟



لماذا محمد ..

ليه هو أكبر نعمة في حياتنا وأكبر رحمة في حياتنا

عليه الصلاة والسلام من غير محمد كان زمانِك إيه؟

كان زمانك إنت دلوقتي ملحد !

وإنتي كان زمانك مشركة بتسجدي لوثن !

وإنت كان زمانك دلوقتي بتسجد لصليب !


لماذا رسول الله صلى الله عليه وسلم؟

ليه هو أعظم شخصية في الدنيا ليه إن كل الغرب والعالم كله أجمع إن رسول الله صلى الله عليه وسلم هو أعظم شخصية في العالم كله

يا جماعة رسول الله أعظم شخصية في الدنيا كلها عليه الصلاة والسلام ..

أي عظيم من العظماء كان عظيم في حاجة إنما مش في كل حاجة

رسول الله كان عظيم .. أب عظيم .. زوج عظيم .. صاحب عظيم .. كقائد عظيم

عظيم في كل أدوار حياته عليه الصلاة والسلام



مش نفسك تركب فرس في الجنة جنب رسول الله صلى الله عليه وسلم

مش نفسك تعيشي معاه في الجنة عليه الصلاة والسلام


مين اللي هيبقى مع النبي في الجنة

اللي سهروا قدّام روايات هاري بوتر والا اللي سهروا يقروا سيرة النبي عليه الصلاة والسلام
مين ..؟
​

اللي سهروا يتفرجوا عالمغنيين والمسلسلات والا اللي سهروا يقتدوا بسنته في قيام الليل بين ايدين ربنا سبحانه وتعالى

صلى الله على النبي محمد أعظم نبي يا جماعة .. ؟؟


​

في السلسلة دي عايزين نبقى صحابة لرسول الله صلى الله عليه وسلم

بس ماشفناش الرسول نيجي يوم القيامة نقوله إحنا أصحابك يا رسول الله​

كنا وراك خطوة بخطوة بس إحنا ماعشناش معاك عليه الصلاة والسلام

صلى الله وسلم وبارك عليك يا رسول الله​

ده إنت لما بتقرأ عن سيرة بطل من الأبطال بتتحمس ..

أمّال لما تقرأ سيرة النبي عليه الصلاة والسلام هيحصل لك إيه ؟

يا جماعة ده لو مغني عمل أغنية جميلة والا حاجة في نظر أهل الدنيا بيقعدوا أد إيه يتكلموا عنه !

أمَّال رسول الله صلى الله عليه وسلم الانجازات اللي عملها في حياته نقعد أد إيه نتكلم عنها ؟
​

 

[همسات حائرة]

رد: لماذا محمد يا جماعـة ::...

لماذا محمد ليه يا جماعة ليه محمد ؟

عشان عودة الروح ..
عشان الروح ترجع تاني للأمة ..
عشان الهداية ترجع تاني للأمة ..​

هدف السلسلة​

"إن إحنا يوم القيامة ننال شفاعته صلى الله عليه وسلم"

هدف السلسلة​

"إن النبي ما يقولناش يوم القيامة بئسما خلفتموني من بعدي"

هدف السلسلة​

"دي إن إحنا نحب الرسول صلى الله عليه وسلم بصدق

صلى الله وسلم وبارك عليك يا رسول الله ..​

وده كان تلخيص الحلقة الأولي من سلسلة" لماذا محمد"​

للدكتور حازم شومان

والحلقة كاملة​

​

هنـــا​

http://www.way2allah.com/khotab-item-13493.htm​

يُتبــع بأمر الله


ساااهم معنا بالنشر فى كل المنتديات و الفيس بوك لنصرة رسول الله صلى الله عليه و سلم ..