همسات حائرة
عضو ذهبي
:::ضبــــع وحصـــــــــــان:::
أتمنى إن الجميع يفهم معنى الحوار... و تعجبكوا
ويجيب عن الأسئلةالآتية :
- من هوالحصان؟
- من هوالضبع؟
- من هم الأصحاب؟
:::ضبــــع وحصـــــــــــان:::
الضبع سأل الحصان : إيه هي الحرية
رد : حجاوبك!! بس اصبر عليا شويه
الحريه إني أخلص بقى من العربيه
وابعد عن الريس أبو إيد قويه
وأخلص من مراته المفتريه
ويااااااه على أولاده الأشقيه
وألا أصحابه و حاشيته المؤذيه
وأبدأ حياة من جديد فى سباق
ونبدأ كلنا م الأول على اتفاق
مافيش هرج و مرج وخناق
وريسى يكون قائد سواق
أحبه... و أكره يكون بينا فراق
ويعاملني بحب مش بجفاء
وأنا أطيعه بكل إخلاص ووفاء
و للهدف حتدرب صباح ومساء
وفى السباق أحبابي يشجعوني
ولما أقع يهتفوا لي ويقووني
ولما أنجح هما الأول يهنوني
والنجاح يبقى للفريق مش لفرد
بس يا ضبع دي حرية صعبه بجد
لأنك حتلاقي عقبات من مِيت حد
وقليل حيبقى جسر!! وكتير حيبقى سد
وحاقعد أقاوم لحد لماأنهد
وإنت يا ضبع : إيه هي الحرية؟
لا!! أنا نظرتي نظرةأنانية
نفسي أصحى ألاقي نفسي الملك
والكل لما يشوفني يرتبك
والأسد يبقى صاحبي!! أحركه بزمبلك
والغابة كلها تعمل لي حساب
ولما يشوفوني يطيعوني زي الكلاب
وأعمل في الغابة أقوى إرهاب
ولما أضرب... الكل يسكت مافيش جواب
والوحوش التانيه... يبقوا لياأصحاب
أدِّيهم اللي أنا عايزه من الدواب
ماحدش منهم يبعد و يعمل إضراب
وإنت يا حصان تبقى ليا أجير
ومتخافشي أنا حخليك أمير
وحعمل معاك معاهدة سلام وخير
ولاحظ الحصان إن الضبع جعان
و عينه لمعت من الشر
فقال له : أعمل معاهدة مع واحد جبان؟
انسى اللي فى بالك!!! أنا لحمي مر
طول عمرك خسيس!!! ومالكش أمان؟
ونفسك يبقى أصلك زيي حر
إنت خايف من رجلياعلشان
بضربة أخلي دمك يخر
واتلمت الخيول ووقفت زي البنيان
فخاف الضبع!! ودمه وقف عن السريان
وجرى و قال : مش حسيبك ياحصان
حفضل وراك فى كل مكان
لحد لما تبقى لوحدك!!! وآكلك بنهمان
وحجيب كل الوحوش_ حتى الجرذان
ومؤقتا بقولك دلوقتي: سلام
فــ رد الحصان : احلم و قول أي كلام
وإنت نكرة!!! مالكش أي اهتمام
لولا تفرق الخيول!!! لكنت تحت الأقدام
من دلوقتى ابدأ احسب موتاكم بالأرقام
لأن الخيول حتجاربك لحد لما ياخدناالعلام
::
::
::
أتمنى إن تكونوا فهمتوا معنى القصة...
وأحلى سلام