خالد صفوت
مؤسسي الموقع
هتنتناول مع بعض فى الموضوع دا القطارات المغناطيسيه وكيفيه عملها
طبعا اول ملا تروح اى مطار هتلاحظ ان المطارات مزدحمه على اخرها ودا مع وجود تأخير فى مواعيد بعض الرحلات الا ان الازدحام ناتج عن سرعه النقل الجوى وامكانياته فى تغطيه مسافات طويله جدا فى اوقات صغيره.حاليا البدائل الموجوده للطائرات هى العربات والقطارات والسفن والاقدام الا انها لاتتلائم مع الطلب الزائد على سرعه النقل وبالتالى توفير المصروفات الضخمه وسرعه انتاج الاعمال والصفقات.
ومعنى كلمه Maglev هى اختصار ل Magnetic levitation اى العوم او الطفو فى الهواء الناتج عن مجال مغناطيسى وفكره القطارات المغناطيسيه هى استبدال العجلات الحديديه التقليديه او الغائها.
لو جيت مره ومسكت مغناطيسين وقربتهم لبعض هتجد ان الاقطاب المتشابهه تتنافر والاقطاب المختلفه تتجاذب والمجال الكهربى شبيه بالمغناطيسيه فهو بيقوم بجذب المعادن ليه ونقدر نحصل على مجال مغناطيسى عن طريق توصيل الطرفين ببطاريه (طرف مع الموجب وطرف مع السالب) وبكده انت بتولد مجال كهربى ضغير وبينتهى بمجرد فصلك للكهربه يعنى قطعك للدائره الكهربيه.
المجال المغناطيسى المتولد فى السلك فى التجربه هو نفس فكره القطارات المغناطيسيه اللى بتعتمد على 3 محاور رئيسيه
1- مصدر كهربى ضخم لتوليد القوى
2- لفائف كبيره من السلوك لتوليد المجال المغناطيسى
3- مغناطيس ضخم يتم تركيبه اسفل القطار
قطارات الماجليف لاتحتوى على مواتير او على الاقل ليست المستخدمه فى جر القطارات العاديه فمواتير قطارات الماجليف غير متميزه او غير محدده فبدل من استخدام الوقود الحفرى بيقوم المجال المتولد بين لفائف السلوك فى الجدران الجانبيه وبين مسار القطار هو اللى بيقوم بسحب ودفع القطار.
وهنشوف صورتين توضيحيتين للعناصر الرئيسيه فى المسار الصوره الاولى عباره عن تصميم على الكمبيوتر للعناصر الرئيسيه للمسار
والصوره التانيه عباره عن صوره طبيعيه من الواقع للمسار وهو خالى ومكانها هو خط Yamanashi باليابان
بتقوم اللفائف السلكيه الموجوده على الجدران بالتنافر مع المغناطيسات المركبه اسفل القطار ودا بيؤدى الى ارتفاع القطار بما يتراوح بين 1سم الى 10سم من على منسوب اللفائف.وبمجرد اعتبار ان القطار طافى على الهواء يتم تدعيم اللفائف المعدنيه الموجوده بالجدران بقوى من مجال مغناطيسي منفصل اللى بيقوم بدوره بسحب ودفع القطار فى نفس الوقت على مساره.وبيتم توليد القوى دى عن طريق ان فى مقدمه القطار بيكون المجال المغناطيسى ساحب للامام وفى خلفيه القطار بيكون المجال دافع.
تم تصميم اجسام القطارات الماجليف على ان تكون مقاومتها للهواء صغيره جدا جدا ودا بيحقق كفاءه رهيبه جدا فى السرعه والتشغيل حيث تصل السرعات الى مايزيد عن 310 ميل فى الساعه اى حوالى 500 كيلو متر فى الساعه والسرعه دى تقريبا ضعف سرعه اسرع قطار ركاب فى الولايات المتحده الامريكيه التابع لشركه امتراك Amtrak وهى اضخم شركه لنقل الركاب بالقطارات فى اميركا.ويتنبأ خبراء قطارات الماجليف انها ستسخدم مستقبلا فى ربط المدن اللى بتزيد المسافات بينها عن 1000 ميل اى حوالى 1609 كيلو متر بشبكه ماجليف بسرعه 310 ميل فى الساعه بحيث تقدر تسافر من باريس الى روما فى حوالى ساعتين فقط..
حتى الان تعمل المانيا واليابان على تطوير تكنولوجيا قطارات الماجليف كما ان شكره ترانس رابيد انترناشيونال الالمانيه تملك احد القطارات الماجليف كنوع من الدعايه.
قطارات الماجليف فكره عملها واحده الا انها مختلفه فى المانيا عنها فى اليابان.ففى المانيا ففى المانيا تم تطوير نظام تعليق القطار الى نظام جديد اسمه EMS او Transrapid حيث تم استبدال جدرا اللفائف السلكيه ووضعها اسفل القطار ولف الجزء السفلى من القطار حول الجدار السفلى ودا بيخلى القطار يرتفع عن جدار اللفائف بمسافه 1سم زى ماقلنا قبل كدا وبيكون القطار مرتفع عن الجدار دا او الكمره دى بمسافه 1 سم ختى وهو واقف فى مكانه بدون حركه.استطاعت المانيا اثبات ان القطارات الماجليف التابعه لشركه ترانس رابيد يمكنها الوصول لسرعه 300 ميل فى الساعه مع وجود ركاب على متنها.ومازالت التحديات فى تطوير قطارات الماجليف قائمه الى الان والتطوير فى اجسامها ومحاوله الابتعاد عن الاحتكاك مع الهوء قدر الامكان جارى حتى الان ولا نعلم حتى الان نهايه لتكنولوجيا الماجليف.
اتمنى انى اكون قدمت شرح وافى عن تكنولوجيا قطارات الماجليف واسيبكم مع شويه صور للنوعين بتوع المانيا (ترانس رابيد) واليابان
ودى صوره مقارنه بين منظومه ترانس رابيد انترناشيونال وبين السكك الحديديه فائقه السرعه فى اوروبا.
احنا كده اتفرجنا على الصور.دلوقتى بقى اسيبكم مع الفيديو اللى بيوضح بعض اجزاء المرحله التجريبيه الخاصه بقطارات ماجليف ترانس رابيد
شاهد من هنا
اتمنى انى اكون وفقت فى شرح تكنولوجيا الماجليف او القطارات المغناطيسيه واتمنى انها تكون نالت اعجابكم
تحياتى
طبعا اول ملا تروح اى مطار هتلاحظ ان المطارات مزدحمه على اخرها ودا مع وجود تأخير فى مواعيد بعض الرحلات الا ان الازدحام ناتج عن سرعه النقل الجوى وامكانياته فى تغطيه مسافات طويله جدا فى اوقات صغيره.حاليا البدائل الموجوده للطائرات هى العربات والقطارات والسفن والاقدام الا انها لاتتلائم مع الطلب الزائد على سرعه النقل وبالتالى توفير المصروفات الضخمه وسرعه انتاج الاعمال والصفقات.
ومعنى كلمه Maglev هى اختصار ل Magnetic levitation اى العوم او الطفو فى الهواء الناتج عن مجال مغناطيسى وفكره القطارات المغناطيسيه هى استبدال العجلات الحديديه التقليديه او الغائها.
لو جيت مره ومسكت مغناطيسين وقربتهم لبعض هتجد ان الاقطاب المتشابهه تتنافر والاقطاب المختلفه تتجاذب والمجال الكهربى شبيه بالمغناطيسيه فهو بيقوم بجذب المعادن ليه ونقدر نحصل على مجال مغناطيسى عن طريق توصيل الطرفين ببطاريه (طرف مع الموجب وطرف مع السالب) وبكده انت بتولد مجال كهربى ضغير وبينتهى بمجرد فصلك للكهربه يعنى قطعك للدائره الكهربيه.
المجال المغناطيسى المتولد فى السلك فى التجربه هو نفس فكره القطارات المغناطيسيه اللى بتعتمد على 3 محاور رئيسيه
1- مصدر كهربى ضخم لتوليد القوى
2- لفائف كبيره من السلوك لتوليد المجال المغناطيسى
3- مغناطيس ضخم يتم تركيبه اسفل القطار
قطارات الماجليف لاتحتوى على مواتير او على الاقل ليست المستخدمه فى جر القطارات العاديه فمواتير قطارات الماجليف غير متميزه او غير محدده فبدل من استخدام الوقود الحفرى بيقوم المجال المتولد بين لفائف السلوك فى الجدران الجانبيه وبين مسار القطار هو اللى بيقوم بسحب ودفع القطار.
وهنشوف صورتين توضيحيتين للعناصر الرئيسيه فى المسار الصوره الاولى عباره عن تصميم على الكمبيوتر للعناصر الرئيسيه للمسار
والصوره التانيه عباره عن صوره طبيعيه من الواقع للمسار وهو خالى ومكانها هو خط Yamanashi باليابان
بتقوم اللفائف السلكيه الموجوده على الجدران بالتنافر مع المغناطيسات المركبه اسفل القطار ودا بيؤدى الى ارتفاع القطار بما يتراوح بين 1سم الى 10سم من على منسوب اللفائف.وبمجرد اعتبار ان القطار طافى على الهواء يتم تدعيم اللفائف المعدنيه الموجوده بالجدران بقوى من مجال مغناطيسي منفصل اللى بيقوم بدوره بسحب ودفع القطار فى نفس الوقت على مساره.وبيتم توليد القوى دى عن طريق ان فى مقدمه القطار بيكون المجال المغناطيسى ساحب للامام وفى خلفيه القطار بيكون المجال دافع.
تم تصميم اجسام القطارات الماجليف على ان تكون مقاومتها للهواء صغيره جدا جدا ودا بيحقق كفاءه رهيبه جدا فى السرعه والتشغيل حيث تصل السرعات الى مايزيد عن 310 ميل فى الساعه اى حوالى 500 كيلو متر فى الساعه والسرعه دى تقريبا ضعف سرعه اسرع قطار ركاب فى الولايات المتحده الامريكيه التابع لشركه امتراك Amtrak وهى اضخم شركه لنقل الركاب بالقطارات فى اميركا.ويتنبأ خبراء قطارات الماجليف انها ستسخدم مستقبلا فى ربط المدن اللى بتزيد المسافات بينها عن 1000 ميل اى حوالى 1609 كيلو متر بشبكه ماجليف بسرعه 310 ميل فى الساعه بحيث تقدر تسافر من باريس الى روما فى حوالى ساعتين فقط..
حتى الان تعمل المانيا واليابان على تطوير تكنولوجيا قطارات الماجليف كما ان شكره ترانس رابيد انترناشيونال الالمانيه تملك احد القطارات الماجليف كنوع من الدعايه.
قطارات الماجليف فكره عملها واحده الا انها مختلفه فى المانيا عنها فى اليابان.ففى المانيا ففى المانيا تم تطوير نظام تعليق القطار الى نظام جديد اسمه EMS او Transrapid حيث تم استبدال جدرا اللفائف السلكيه ووضعها اسفل القطار ولف الجزء السفلى من القطار حول الجدار السفلى ودا بيخلى القطار يرتفع عن جدار اللفائف بمسافه 1سم زى ماقلنا قبل كدا وبيكون القطار مرتفع عن الجدار دا او الكمره دى بمسافه 1 سم ختى وهو واقف فى مكانه بدون حركه.استطاعت المانيا اثبات ان القطارات الماجليف التابعه لشركه ترانس رابيد يمكنها الوصول لسرعه 300 ميل فى الساعه مع وجود ركاب على متنها.ومازالت التحديات فى تطوير قطارات الماجليف قائمه الى الان والتطوير فى اجسامها ومحاوله الابتعاد عن الاحتكاك مع الهوء قدر الامكان جارى حتى الان ولا نعلم حتى الان نهايه لتكنولوجيا الماجليف.
اتمنى انى اكون قدمت شرح وافى عن تكنولوجيا قطارات الماجليف واسيبكم مع شويه صور للنوعين بتوع المانيا (ترانس رابيد) واليابان
ودى صوره مقارنه بين منظومه ترانس رابيد انترناشيونال وبين السكك الحديديه فائقه السرعه فى اوروبا.
احنا كده اتفرجنا على الصور.دلوقتى بقى اسيبكم مع الفيديو اللى بيوضح بعض اجزاء المرحله التجريبيه الخاصه بقطارات ماجليف ترانس رابيد
شاهد من هنا
اتمنى انى اكون وفقت فى شرح تكنولوجيا الماجليف او القطارات المغناطيسيه واتمنى انها تكون نالت اعجابكم
تحياتى
