رد: *حملة هنتغير بجد*
الحلقة ال 23
(يلا بينا نصلى )
السلام عليكم ورحمه الله وبركاته
وعليكم السلام ورحمه الله وبركاته
موضوعنا النهارده مهم جدا
ويمكن هو الاهم فى حملتنا
يعنى اللى فات مش مهم
طبعا مهم ولكن لازم علشان نضمن
انه يتقبل
يبقى حلقه النهارده
ليه هيا بتتكلم عن ايه ؟؟
عن احلى حاجه
واحلى هديه
من رب البريه
ايوه ياستى بتعرفى تألفى اشعار
لا بأمانه دى حفظتها من الشيخ
محمد حسان
ربنا يبارك له بس ديما مكشر
لا ده كان زمان أيام ما كنتى مش بتحبى الإلتزام وكلامه اكتر من رائع
المهم حلقتنا النهارده عن
"الصلاه "
هديه ربنا اعطاها لكل خلقه
من البشر ولكن مين اللى عاوزها
بصى معلشى موضوع زى ده
مهم جدا
ولكن احنا عاوزين نتكلم بصراحه
كل الحواجز اللى بيننا علشان اطلع كل اللى فى قلبى
بصى انا عاوزاكى تفكى خالص
علشان ناخد اكبر خطوه فى طريق التغيير
ماشى فى الاول كده
انا عندى كام مشكله
ماشى ناخدهم واحده واحده ونحاول نحلهم
ماشى اول واحده
وهى المصيبه
(الكسل )
كل لما اقول هصلى اكسل جامد اوى
والاقى حاجه تشغلنى وماتخلينيش اصلى
بصى مين يعرف عن نفسك اكتر انتى ولا اللى خلقك
طبعا اللى خلقنى حبيبى
طيب ربنا عرض المشكله دى فى القران الكريم وقال
سبحانه
(واستعينو بالصبر والصلاه وانها لكبيره )وكبيره بمعنى تقيله
بتخليكى تكسلى
ونكمل (الا على الخاشعين )
يعنى الا الناس دول
تقيله على كل الناس
وخلى بالك ربنا ما قلش
الا على المصلين
لان فى ناس كتير بيصلوا
ومش بيخشعوا
وبالتالى ممكن
يتعرض لموقف يسيب الصلاه
بسببه ويكسل زى حضرتك
طيب مين هما الخاشعين دول ؟
ربنا قال(الذين يظنون انهم
ملاقو ربهم وانهم اليه راجعون)
يعنى حسبينها صح
عارفين ان حتى لو عصيته
او اطاعته برده راجعاله
ورايحاله يبقى من دلوقتى
احسن وعارفين انهم
رايحين لله
الكريم الغفور التواب
علشان يتكلمو معاه
ولسه هنتكلم ازاى نخشع ونحس بالصلاه ونعيشها بجد
طيب وفى مشكله تانيه
هى مش الصلاه بتنضف القلب وبتخليه ابيض
طيب طالما القلب ابيض جاهز يبقى مش مشكله الصلاه
بصى ربنا حبيبنا قال
(ان الذين آمنو وعملو الصلحات )
ومافيش ولا ايه بتقول
ان الذين آمنوا بس
اذن ماينفعش ان انا اومن
بربنا من غير ما اعمل عمل
صالح
طيب ما انا بعمل اعمال صالحه
ومين قالك انها مقبوله ؟
.....يعنى ايه ؟؟؟؟
يعنى اول حاجه يوم القيامه وانتى واقفه ادام ربنا
هيسألك عن الصلاه
لو كنتى بتصلى يبقى
كل اعمال الخير مقبوله
وكأن الصلاه واسطه
لبيقت الاعمال علشان تتقبل
ولو ماكنتيش بتصلى يبقى
ربنا يعوض عليك فى الاعمال
بتاعتك كله هيبوظ
وما ينفعش واحد يكون
مليان ذنوب وتقول قلبه ابيض
طيب ما هو كل ابن آدم خطّاء
جميل اوى وخير الخطائين التوابون
والصلاه بتنضفك اول باول
يعنى لو افترضنا ان الذنوب
زى التراب علشان تنضف
تعمل ايه ؟
اخد دش
كام مره فى الاسبوع
يعنى مرة او 2 او 3بالكتير
طيب لو اخدت خمسه وتلاتين دش فى الاسبوع
ايه ليه حمله دش كل يوم
لا كل يوم 5 مرات بس
بس هتنضفى خالص من التراب قصدى الذنوب
والذنوب بتجمد القلب
وكمان مشكله هو مش من اهداف الصلاه
انها تصلحنى
ايون
طيب انما الاعمال بالنيات
طيب انتى جعانه
.......!!!!
جاوبى
بصراحه اه
طيب انتى عاوزه تاكلى
ايون
طيب شبعتى ولا لسه ؟
هو انا اكلت اساسا
انما الاكل بالنيات
طالما انتى نيتك انك تاكلى خلاص
يبقى لازم تشبعى
مش فاهمه
بصى انما الاعمال بالنيات
يعنى فى عمل وفى نيه
اه
يعنى ما ينفعش ما تكليش وتقولى انا شبعت
اه فهمت
يعنى الاول لازم اصلى وبعدين اقول انما الاعمال بالنيات
وعلى اساسها هيقبل العمل او هيرفض
بالظبط
وايه تانى من المشاكل
بالنسبه لى خلاص بس فى واحده صاحبتى
كل لما حد يقوله على الصلاه يقوله العمل عباده
بص اولا ده مش حديث ولا حاجه دى مجرد حكمه
ولو افترضنا ان العمل عباده فالصلاه فريضه واحسبيها انتى
معليش افتكرت حاجه
فى واحده اعرفها بتصلى وربنا بيكرهها اوى ديما البنت ده
عندها مصايب
اما ابنها مكسور او عربيتها ادغدغة ديما فى مصايب
ده كده ربنا بيحبها اوى لانه عاوز يكفر عنها ذنوبها
وعلشان البنت دى تقول يارب
ولسه قايلين واستعينو بالصبر والصلاه
صح كده اظن ما فيش مشاكل غير اخر واحده
معلش
ساعات بتكون الجو برد وبكسل اتوضى علشان الميه
بتبقى ساقعه
تستحملى مين
بروده ميه الدنيا
ولا
حراره جهنم فى الاخره
.....
والاسلام دين يسر
انتى ممكن تدفى الميه وتتوضى
واتصرفى وبطلى كسل قلنا
طب اقولك على حاجه
عارف لو انت صليت اى صلاه فى جماعه
مره واحده يتكتب لك
وكأنك صليت 280مره
(0للشباب الصلاة فى جماعة0)
ايه ....كام ...ازاى ؟
بص حبيبك النبى قال صلاه الجماعه افضل من صلاه الفد
ب(27)درجه يعنى هنقول اقل حاجه 28 لانها افضل من
واول ما الصلاه فرضت فرضت 50 صلاه يوميا ولما الرسول كلم
ربنا علشان يخففها عننا بقت 5 صلوات يوميا وربنا قال ساعتها
(يا محمد خمسه فى العمل وخمسون فى الاجر مايبدل القول لدى )
يعنى الصلاه الواحده بتساوى 10صلوات فى الاجر
والصلاه فى جماعه قلنا ب 28 اضربهم فى بعض
28×10=280
واليوم الواحد لو صليت الخمس فروض
يبقى 1400صلاه
والحساب يوم الحساب
...ياااااااااااااه فعلا صح
انتى عارفه الحديث بتاع بناء الاسلام
اللى هو بنى الاسلام على خمس
بالظبط قوليه كده
الشهاده واقام الصلاه و...
بس مش ملاحظه حاجه
انك ممكن تشيلى اقام الصلاه
وتحطى اداء الصلاه
مش هتفرق كتيير بس ده حديث ماينفعش اغير فيه
عارفه بس افهم ليه اقام الصلاه
وربنا قال(اقم الصلاه ....)و(واقام الصلاه ...)الايات
طيب ليه ؟؟
لان الاقامه غير الاداء
لان الاداء انتى بتأدى حاجه وبتنزليها من عليك
زى لاعب ادى كويس فى الماتش
يعنى لعب كويس بس الماتش خلص خلاص
اما اقامه الصلاه من يقيم الصلاه
زى بالظبط لما اقولك انا هقيم عمارة هنا
يعنى سواء سكنت فيها
او حتى بنتها وسبتها هى موجوده
يعنى لو اقمت الصلاه فى قلبك يعنى
سواء وقت الصلاه او مش فى وقت الصلاه هى مأثره فيكى
بانها بتخليك تبطلى معاصى وبالتدريج ومن غير ماتحسى
هو مش الرسول صلى الله عليه وسلم قال
من لم تنهه صلاته عن الفحشاء والمنكر فلا صلاه له
طيب وانا قبل كده قعدت فتره صلى وماعملتش حاجه
ينفع واحده انتى لسه مصاحبهاها من كام يوم
تقولياها على اسرارك وتاخدى عليها
وتغيرى فيها وتغير فيكى زى واحده انتى مصاحباها من سنه
لا طبعا
خلاص يبقى الصلاه لازم تاخدى الاول عليها علشان تغيرفيكى
وثانيا الحديث ده ضعيف
ثالثا ربنا قال (ان الصلاه تنهى عن الفحشاء والمنكر )يعنى مش
انتى اللى هتنهى نفسك
واحنا قلنا قبل كده 4 على واحد حراااااام
والاربعه (النفس الاماره بالسوء)(والشيطان)(والهوى يعنى المزاج)
و(الحسد) عليكى لوحدك والحل انك تستعينى بربك وحده
هو اللى هيعينيك يبقى انتى لازم تقربيله بالطاعه والطاعه مش مضمونه الا
بالصلاه
والصلاه بنهى عن الفحشاء والمنكر يبقى انتى هتقربى من غير ماتحسى وهتبطلى كتيييير اوى من ذنوبك من غير ماتحسى لانك كل اللى هتعمليه انك هتصلى بس
طب ازاى الصلاه هتغير فيا من غير ما احس ؟؟
هاتى بلونه و كور بينج بونج وبارفان (ريحه,عطر)ورشى على الكور
من البارفان ده وحط الكور فى البلونه
ايه التشبيهات الغوريبه دى؟
ركزى وانتى ساكته حطيتى الكور
انا هتخيل ...ماشى حطيتها بس الكور بتدخل بصعوبه
عارفه دخليها بالعافيه
دخلتهم كلهم
لو قلتى لك ايه رأيك في الكور هتقولى ايه ؟؟
ريحتهم حلوه
دى وجهه نظرك
ولكن الريحه دى مؤقته ومش اصليه (مصنعه يعنى)
والكور واخد مكان كبر وحجم اكبر
ولو ضغط على البلونه من بره هتلاقيها ناشفه
مظبوط وانتى صح بس ايه الحل ؟
الحل انك تخلى الكور وتحط من فوق ورد
طبعا هتقعدى تحط لحد لما الانبوله تتملى على الاخر
لان لسه الكور تحت
طبعا فى فرق شاسع بين الكور والورد
يعنى الورد ريحته احلى ودائمه واصليه
ومش واخد مكان خالص وحجمه صغنن جدا
ولو ضغطت على البلونه هتلاقى انها طريه جدا
طبعا انت هتبتدى تشيل الكور كوره كوره لانك سرحانه فى ريحه الورد
وكل لما تشيل كوره الورد يملا مكانهم وانتى مش حاسسه بأى فراغ
لكن لو مفيش ورد وانتى ماتعرفش مميزات الورد هتيجى تشيل الكور
يجى واحد ماسك البلونه يقول سيبيها ماهى ريحتها حلوه
والتانى عامل نفسه فيلسوف ويقول بالعقل هتشيليها ليه مش مخسراكى حاجه
دى ريحتها حلوه
والتالت يقولك كل الناس سايبه الكور هتشيليها انتى
والرابع لو انتى قاومتى وشيلتها يقول ياااه قدرت تشيليها لوحك ويحسدك وترجعى اسوء مما كنت
انا مش فاهمه حاجه خالص
عارفه بصى
البلونه (القلب )طريه فى الاصل
الكور (الذنوب )كبيره وواخده مكان فى القلب ومنشفاه قوى
البارفان (لذه الذنوب )مؤقته مجرد ما تخلص تنتهى الريحه (اللذه)
والورد (الصلاه) ريحتها اصليه ودائمه دنيا واخرة ومش بتاخد مكان
وبتخلى القلب بطبيعته طرى
والناس اللى بتتكلم
الاول (النفس الاماره بالسؤ)
التانى (الشيطان)
التالت (الهوى و المزاج )
الرابع (الحسد )
اه فهمت يعنى الصلاه هتشيل واحده واحده وكل لما تشيل حاجه
تملا مكانه بالورد
ايون بالظبط كده
اى خدمه
انتى عارفه الصلاه فيها ميزه غريبه اوى
انها بتلم معظم العبادات فيها
علشان كده اسمها ام العبادات
يعنى ايه ؟و يعنى ايه ام العبادات ؟
اول ما بتبدأ الصلاه بتقول الله اكبر (ده ذكر)
وبتقراى قران ,وبتدعى , وبتمتنعى عن الاكل (شبه الصوم )
ولازم تحافظى على وقتها (فريضه الوقت )
وكمان بنتجه للقبله بتذكرنا بفريضه الحج
وحاجات كتييير
اه صح
وافتكرت مشكله تانيه
ان تارك الصلاه كافر
بس فى ناس بيقولو مش خارج من المله وناس بيقولو خارج
خارج ولا مش خارج انتى ايه اللى يخليكى تاخدى اللقب ده اساسا
صح
عارفه الحب من طرفين
احنا بنتكلم فى الصلاه ...
هو مش احنا قلنا هندردش مع بعض
ماشى بس فى الصلاه
احنا فى الصلاه
ماشى عارفه
عارفه الحب من طرف واحد
عارفها بس خنيق اوى تقعد تحب واحد
ويفضل حلقلك ومطنشك وفى الاخر تزهق
والحب من طرفين زى العسل
طب الصلاه حب من طرفين
ازاى ؟؟
ربنا قال قسمت الصلاه بينى وبين عبدى
ولعبدى ما سأل
طب ازاى ؟؟
لما بتدخل فى الصلاه وتقول الحمد لله رب العالمين
ربنا يرد عليك ويقول حمدنى عبدى
وكده
واقرب ما يكون العبد من ربه وهو ساجد
يدعى براحته
بصى انتى بصراحه اقنعتنى بالصلاه
ولكن انا عاوزه اخشع ...ازاى ؟؟
سهله اوى احنا اتكلمنا عن الايه واستعينو بالصبر والصلاه )
اه
وهقولك كمان حاجه
انتى عارفه انت هتصلى لمين ؟
لربنا
يبقى لازم تحط فى دماغك مين ربنا
الكريم الغفور التواب الرحيم
ثانيا لازم تركزى اوى فى الصلاه وصلى كأنها اخر صلاه فى حياتك
ثالثا حط فى دماغك الصلاه اما تدعي لك او تدعى عليك
رابعا وى اللى هتسبتك
انا لما بتدخل الصلاه ربنا بيقبل عليك بوجهه
ما احنا قلنا (حب من طرفين )
ولكن اول ما تلتفتى اوتسرحى او تنشغلى بحاجه تانيه ربنا يقولك (لخير منى ؟؟؟)
(يعنى اللى انشغلت بيه ده احسن من ربنا)
اظن مفيش اجابه فلازم تركزى اوى وتخشعى وتعيشى
وعاوزاك تعيشى اوى فى الصلاه
عيشى استمتعى بأيات ربنا
واستمتعى بالايات يعنى
الحمد لله رب العالمين )عصيتيه ومهلك ومن عليك بالصلاه وانتى لسه بصحتك
وانعم عليك ورزقك رغم معصيتك ليه
(الرحمن الرحيم)فعلا رحمته وسعت كل شئ
(مالك يوم الدين )ايوه على العظمه اكتر يوم بنخاف منه بأيده ينجيكى ويطمنك
او يبهدلك
(اياك نعبد واياك نستعين )يارب بعبدك عصيتك بس بحبك ورجعتلك وهستعين بك يارب ومش هروح لغيرك لانك حبيبى
(اهدنا الصراط المستقيم )يارب اهدنا للطريق الصح اهدنا للاسلام وللجنه
(صراط الذين انعمت عليهم )الطريق اللى انت انعمت عليه للناس الكويسه والصالحه
(غير المغضوب عليهم )اللى هما النصارى
(ولا الضالين)اللى هما اليهود
واقرا بالراحه لعلك تموتى وانتى بتصلى يبقى يا بختك والله
وتقراى اى سوره او ايه تعجبك ودوقيها
وبعدين اركع وقول سبحان ربى العظيم 3مرات واستشعرى يعنى ايه توطى
وتحنى جسمك لله
وبعدبن قومى اقفى واركزى فى مكانك يعنى اقفى عدل وقولى سمع الله لمن حمده
ربنا ولك الحمد (احمده من قلبك )
وبعدين اسجدى بشرط ان يكون فى 6 اعضاء على الارض الايدين والقدمين
والجبهه والانف وماتفرديش كوعك وتخليه يلمس الارض علشان كده غلط
وقول سبحان ربى الاعلى خلاص يبقى فى الركوع سبحان ربى العظيم ووانت على الارض سبحان ربى الاعلى وادعى براحتك وباللغه اللى تعجبك وقوم اقعد واسجد كمان مره وقول سبحان ربى الاعلى 3 مرات وادعى براحتك وقومى كل ركعه على كده بس بعد كل ركعتين اقعدى واقراى التشهد وافهميه انا عارفه انك حافظه ولكن افهمه اولا ده كان حوار بين حبيبك النبى وربنا سبحانه وتعالى
لما النبى((صلى الله عليه وسلّم)) دخل الجنه فى الاسراء والمعراج فالنبى قعد ادام ربنا القعده اللى بنقعدها فى التشهد وقال لله (التحيات لله والصلوات والطيبات )
فربنا حبيبنا قال لنبينا محمد (السلام عليك ايها النبى ورحمه الله وبركاته )
فالنبى رد وقال (السلام علينا وعلى عباد الله الصالحين )بص حبيبك والله لو انتى مكانه ماكنت هتفكر غير فى نفسك النبى حتى وهو قاعد ادام ربنا حبيبنا
بيدعيلنا وبيلقى علينا السلام والله بجد بنحبه
فحمله العرش قالوا( اشهد ان لا اله الا الله وان محمد عبده ورسوله )
وبعد كده هتصلى على النبى الصلاه الابراهيميه
وهى (اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد )وممكن تبسطها وتقول فى الصلاه الابراهيميه
(اللهم صلى وبارك على محمد وعلى ال محمد كما اصليت وباركت على ابراهيم وعلى ال ابراهيم فى العالمين انك حمد مجيد )
طب مش المفروض اقول سيدنا محمد
حبيبك النبى قال لا تسيدونى فى الصلاه يعنى ماتقولش سيدنا محمد فى الصلاه لكن قولها بره الصلاه عادى
طب معلش انا مكسوفه اوى من الطلب ده ياريت توضحى للناس عدد الركعات
والسنن المفروضه
بصى كل الصلوات المفروصه هتصليها 4 ركعات الاالصلاه اللى قبل شروق الشمس بتبقى ركعتين ودى من رحمه ربنا علينا لان الناس بتبقى صاحيه من النوم وعاوزه تنام ولكنها فضلت ربنا عن النوم
والصلاه اللى لما الشمس تغرب بتبقى 3 ركعات
والباقى اللى هما الظهر والعصر والعشاء 4 كعات
والسنن بقى 2قبل الفجر ودول خير من الدنيا وما فيها يعنى تصليهم كأنك
كسبت الدنيا باللى فيها لا اسف ده احسن من الدنيا باللى فيها
طب اشمعنى دول
لانك بتبقى لسه صاحيه من النوم وسايبه النو م علشان تقابل حبيبك
فلازم ربنا يغلى ثمنهم وده كرم منه
وقبل الظهر 4 ركعات وبعدها ركعتين بس وخلى بالك ممكن تصلى قبل الظهر 4 وبعده 4 وتاخد شهاده ضمان بأنك محرم على النار ومش هتدخلها يلا خد
الشهاده انتى ضامنه عمرك ؟؟؟
والعصر راحه من السنن
والمغرب ركعتين بس والعشاء برده ركعتين بس
واحلى حاجه انها مفيهاش اى تعب ولا بهدله لانك لو صليت ال12 ركعه فى يوم واحد ربنا يبنى لك بيت فى الجنه
بيت فى الجنه ب 12 ركعه بس ...يابلاش
وانا كمان عندى فكره ايه رأيك نعمل مدينه سكنيه ليا انا بس كل كام يوم ابنى بيت وب 12 ركعه بس والله اوكازيون ربانى
اخر سؤال معلش
اتفضلى
طب بالنسبه للصلوات اللى انا ماصليتهاش قبل كده
هصليها امتى ؟؟
انتى نسيتى انتى بتصلى لمين ؟
لربنا طبعا
طب وربنا من صفاته التواب والغفور والكريم
يعنى مجرد ما انتى تروحى له وتتوبى له يسامحك فى اللى فات
يعنى ما اصليش اللى عليا
تانى انتى رايحه تصلى للكريم التواب
ياااااااااااااااااااااااااااه على الكرم والعظمه بجد عيب اوى عليا ان الفتره دى كلها
مبصليش واشكره على نعمه
يارب يا حبيبى لئن احييتنى لارينك ماذا سأصنع
يارب لو اديتنى العمر هتشوف انا هعمل ايه وهشكرك ازاى
+ايوه كده هى دى الرجوله انك تضرب مليون عصفور بحجر واحد
رضا ربنا
وشفاعه حبيبك النبى
وكوبايه ميه من النبى يوم القيامه
واستجابه دعائك
والناس تحبك
والملايكه تحبك
وتبطل ذوبك ومعاصيك من غير ما تحس
كل ده ب 17 ركعه فى اليوم يا بلاش
(حان الان موعد الاذان )
طب يلا السلام عليكم ورحمه الله وبركاته علشان الصلاه
وعليكم السلام ورحمه الله وبركاته وابقى ادعيلنا
انتظرونا فى الحلقة القادمة
بعنوان
(( التغيير طريقنا الى الجنه ))
*إن شاء الله تعالى*
.gif)
