قلبٌ مزكوم ::...

همسات حائرة

عضو ذهبي
إنضم
Apr 25, 2011
المشاركات
6,323
الإقامة
أم الدنيـــــــــــا
basm-all.gif


كل عام وأنتم بخير ... وربنا يبارك لنا في رمضان ... ويرزقنا فيه العتق والقبول

هي خاطرة ... لعلها تنفعني وإياكم يارب ..

كتير مننا لسه مشتغلش...


بيشكي كسله وإرهاقه وتعبه ..


بس نفسه يشتغل ... نفسه يحس برمضان ... نفسه يقرب بحق وحقيقي

بس المشكلة ...
إنها غفلة 11 شهر ..


نااااااااااااااااااااااايم... غاااااااااااااااااافل ..........

ومننا اللي بدأ ..

بيصلي القيام ... وبيصوم بالنهار

بيكثر من الصدقة ... وإطعام الطعام

والقرآن بيقرأ في اليوم بالجزء والأكثر
ومننا اللي همته عالية أوي ... وقرب يختم ...
وفيه اللي ختم بالفعل


طيب مشكلته ايه؟



برده مش حاااااااااسس

نفسي أعيش الطاعة بمشاعري

نفسي أحس بالقرآن اللي أقرأه ... أعيش آياته

أنا كل يوم في جامع ..

لعلي أسمع شيخ يحسسني برمضان بجد

رافع إيدي ليل نهار ... حتي الدعاء مش حاسس بيه

طيب وبعدين ..

هي المشكلة إيه

جاء رجل لسيدنا علي... يشكو له أنه لا يقوي علي قيام الليل

فقال : " أنت رجل أرهقتك الذنوب " .


ذنوووووووووووووووووب ..


مشكلتك إنك ما دخلتش رمضان نضيف

ذنوووووووووووب تحول بين قلبك والإحساس

ودي مشكلتنا كلنا

ذنوبنا كترت أوي ... ودنيـــــــــا شاغلانا أوي

غفلة 11 شهر

من رمضان اللي فات تقريبا

طب هتفضل كده ...

ألفت عدم الإحساس ؟

هتقعد تعمل الطاعة ... وإنت مش حاسس بيها ؟!


لاااااااااااااااااااااااااااااا

اوعي تستسلم ..

 

المواضيع المتشابهة

رد: قلبٌ مزكوم ::...

إحنا آه ما نستهلش...
بس ربنا كبييييييييييييييييييييير

الموضوع ده مينفعش له غير ربنا

ادخل أوضتك ... واقفل بابك ... واطفي النور

عيش إحساس وإنت وحدك ..

مفيش غيره مطلع عليك

صلي علي حبيبك محمد ..

ربنا بيحب سيدنا النبي .. يمكن سبحانه يسمعك بتصلي علي حبيبه فيرحمك

يااااااااااااااااارب ..

قولها بقلبك ...
إنت في ورطة ... وده سبيل النجاااااااااة

ياااااااااااااااااااارب

دا أنا عبدك ...
عارف إني جاي متأخر ... بس محتاج لك بجد

يارب .. مسكين يارب

كل الناس سبقتني إليك

وأنا بحبك ... ونفسي أوصل

يارب دي فرصتي في رمضان

لا تجعلني مع القاعدين .. لا تذرني من المخلفين

لا حمل لي لعذابك .. ولا طاقة لي بــ نارك

ولا أعلم في دنياي إلا أنت ينجيني


أجرني من جحيم البعد .. فلست أقوي .. واجعلني من عتقائك


حبيبي ... منذ أن فتحت عيني ع الدنيا .. وعرفت إنني مجبول عليها...
لم تجد عيني سواك يرعاه

لم أكن أفهم ما أبي وما أمي

ولكن كنت أفهم جيدا اللـــــــــــــــــه

لم تتلمس يدي الحنان إلا منك ..

" غذيتني في الحشا جنينا .. وكنت لي قبل والديا "

واليوم كبرت .. وأذنبت


وها قد عدت ...
عُبَيدك ذاك الذي ما عرف إلا أنت ..


أستجير بك من ذنب... أخشي يمنعني منك ..


لست من القائمين الليل لا يفترون

ولا من الصائمين لا يفطرون

ولكن عُبَيدا أحبَّك ..

صدقا أحبَّك

اغفر لي ... واعف عني... وسامحني

برحمتك أستغيث ... أصلح لي شأني كله

ولا تكلني إلى نفسي ..

يارب : قلبي قلبي .. ذليلٌ بين يديك .. حاله لا يخفى عليك

أثقلته الذنوب وأرهقته الدنيا ..

وقد أتاك مطرقا حزينا على ما فاته منك ..

زين بالصدق حياءه كي يناجيك ..

 
رد: قلبٌ مزكوم ::...

وادعي بقى كل اللي إنت عاوزه ...
والكريم القريب المجيب يسمع ويرى سبحانه

وما تنساش المسلمين في كل مكان

" ادعوا ربكم تضرعا وخفية "
تضرعا : تذللا واستكانة
خفية : بخشوع قلوبـــــكم همسا فيما بينكم وربكم




ادخل لربنا من الباب ده .. مش هتلاقي زحمة

ده باب ربنا بيحبه ..


لعل الله بعتقك به .. لعل الله يرحمك به


لعلك تجد الإحساس عند من يملكه ... فيهبه لك بقول : " كن "

** حسٍّن أخلاقك ...
ربنا بيحب حسن الخلق

أحب الناس إلى الله .. أحاسنهم أخلاقا

ــ " أربع إذا كن فيك فلا عليك ما فاتك من الدنيا : صدق الحديث ... و حفظ الأمانة ... و حسن الخلق... و عفة مطعم " .
(صحيح) انظر حديث رقم: 873 في صحيح الجامع.


** وأحب الأعمال إلى الله سرور تدخله علي مسلم

ترقب الأخبار السارة ... وبلغها للناس...

زور قرايبك... لو كانت زيارتك سرور

** خليك سهل...
ربنا سهل

لو صاحبك غلط في حقك ... وجاي لك ...
سامحه من غير حتي ما تسمع عتابه

الموضوع صعب...
لأن فيه ناس مستفزة كتير ...
بس جاهد نفسك

ولو نفسك غلطت ... عاتبها ...
ربنا بيحب النفس اللوامة

واخفض جناحك للمؤمنين

** أكثر من الذكر ...
ففيه حياة قلبك

" ألا بذكر الله تطمئن القلوب "

أقعد حتي ولو ربع ساعة... استغفر ربنا فيهم

مش لازم تجيب ألف ولا ألفين ... بس هات واحدة من قلبك

تستشعر فيها ذنبك ..

قد تكون أغلي عند ربنا من آلاف الذكر ...
من غير قلب ولا إحساس

وبعدها اذكر كتير ...
وربنا يقبلك إن شاء الله

** وفي القيام ...
ماسك المصحف تقرأ ... وبتقلب في صفحاته

مش مركز بتقرأ إيه .. ولا الآية بتتكلم عن إيه

صلي بسورة أنت بتحبها أوي .. سورة آياتها بتأخذ قلبك

هتحس للصلاة طعم تاني

بعض الصحابة كان يظل الليل كله يصلي بآية .. مأسور فيها

ممكن الآية دي تعليك عند ربنا كتيـــــــــر أوي

أفضل من مليون آية يقرأها لسانك دون قلبك

د /خالدأبو شادي بيقول في كتاب جرعات الدواء :

" لعل دموع خشيتك تنتظرُ منك آية تُتلى في خشوعٍ لتنهمر ،
أو خلوة وجلٍ لتنفجر ، وتسألني متى هو : " قل عسى أن يكون قريبا "
وتطلبُ مني الرد في أي ليلة هذا فأقول : " علمها عند ربي في كتاب "
وتلح في السؤال : مَن المُوَفَّق لذلك ؟ ، فأقول :
" الله يجتبي إليه من يشاء ويهدي إليه من ينيب " .

فهم هذا جيدا أبو سليمان الداراني فأوصاني وأوصاك قائلا :

فإذا وجدت قلبك في القيام ... فلا تركع
وإذا وجدته في الركوع ... فلا ترفع ..

"ليتنا نقتربُ من الله ولو شعــــرة
ليتنا عشنا في أنواره لحـــــــظة"
،


الموضوع عاوز جد وتعب .. اتعب عشان ربنا .. تلاقي الخير كله بإذن الله


** حاجة كمان عايزين نقولها :
لما الواحد بيروح مكان حلو ...
بيحب ياخد منه حاجة ذكرى مش كده ..
حاول في رمضان تعمل كشكول كده أو أجندة صغيرة سميها :
" رمضانيات "

تكون خاصة بذكرياتك في رمضان .. رمضان بس :
آية حبيتها أوي .. حسيتها أوي ..
بكيت لما سمعتها من الشيخ ..
اكتب أي كلمة أثرت فيك سمعتها في درس أو غيره
اكتب دعاء ربنا مَّن عليك به ..
اكتب موقف شفته اتأثرت به واتعلمت منه

اكتب أي حاجة حلوة اتعلمتها أو اتأثرت بها في رمضان .

عشان بعد رمضان بإذن الله هنرجع لتكدير الدنيا تاني...
والقلوب هتبعد تاني وتقسو تاني
( نسأل الله العفو والعافية )

الإنسان يجد نفسه أعمى وهو بصير .. بصير الرؤية .. أعمى القلب

تائه وحيد يحتاج إلى نسمات ذكرى تعيد له النور ، نسمات تجدد الإحساس بقلبه

نسيم دمعة أو نبضة حب أو شوق أو خوف من الله عز وجل ..
عندما يمر عبير هذه الذكرى بخياله ..


تقرأها ... فترد روح رمضان لقلبك .. " فيأت بصيرا "


 

أحدث المواضيع

أعلى