يا ضرتى بعد موتك راحت فرحتى

السلام عليكم ورحمه الله وبركاته
بسم الله الرحمن الرحيم
كان فى عيله مكونه من 6افراد اب وام و3ولاد وبنت
الاب رضا الام نوال الاولاد بالترتيب ياسر وشيماءو محمد واحمد
وعشان المشاكل اللى بتحصل فى كل اسره قرر رضا انه يتجوز زوجه تانيه
والزوجه التانيه تقرب للزوجه الاولى نوال بس من بعيد
وفى يوم كانت شيماء قاعده جانب ابوها رضا وكان لابس دبله عريضه مكنش لبسها قبل كده وقال لشيماء انتى عارفه انا لابس الدبله دى ليه علشان انا اتجوزت ضحكت شيماء وامها لانهم افتكروه بيهزر بس طلع مش بيهزر وشيماء من النوع الانطوائى يمكن علشان كانت بنت وحيده على 3 اولاد وثارت نوال وانهارت لدرجه انها كانت عايزه تسم نفسها وفعلا شربت بوليس نجده بس الحمد لله لحقوها
والزوجه التانيه خلفت محمود وتعبت نوال بعد ما عرفت الخبر
بس بعد كده ابتدت نوال تغير من نفسها للاحسن وفعلا رضا حس بالتغيير بس بعد فوات الاوان
لان رضا كان يخاف ربنا ومايرضاش يطلق الزوجه التانيه ومش بيحب الطلاق
بس الزوجه التانيه ام محمود كانت عايزه تروح عند الزوجه الاوالى نوال بس نوال كانت بترفض ورضا اتجوز من حوالى 12سنه عمرها ماشافت الزوجه التانيه خالص
وبترفض اى احتكاك معها ولا شافت ولادها واحتراما لرغبتها رضا ماكنش بيحب يضايقها
ولما كان محمود عنده 10 سنين ومريم عندها 6شهور حملت الزوجه التانيه ولما مريم كان عندها سنه ونص وجه معاد ولادتها وفى يوم الولاده قل لها رضا هروح ومشوار وارجع اوديكى المستشفى
وبعد ما خرج رضا
راحت ام محمود للدكتور وقلها انا هولدك بدون الم
والساعه 8الصبح ابتده الدكتور يولدها وكانت بتولد طبيعى وفضل يديها طلق لحد ما الرحم انفجر فاضر يولها بسرعه
وعند الولاده اكتشف الدكتور ان الحبل السرى لف حوالين رقبه الجنين
واتوتر وابتدى يحاول يعمل اى حاجه علشان ينقذ الجنين
حاول يولده قيصرى بسرعه ففتح بطنها بالطول وحصلها نزيف جامد ومش عارف يتصرف فقال لرضا انا عايز دم علشان اعوض الدم
وجاب رضا الدم قله عايز تانى وقال رضا طيب انا عايز اشوفها
ودخل عليه لاقها بتحتضر خدها وراح المستشفى بسرعه
خرجوا منها الجنين وحطوه فى الحضانه
وللاسف مقدروش يلحقوها وتوفت الى رحمه الله لان الدكتور سبها تزف من 11 الصبح ل4 العصر وخاف يقولهم علشان المسئوليه ربنا يسمحه
وجريوا ياسر ومحمد على المستشفى وراح احمد يقول للامه نوال ان مرات ابوه ماتت
الزوجه اللى كانت رفضه 12 سنه انها تعرف حاجه عن ضرتها
فضلت تصوت وطخبت دمغها فى الحيط واولاده كلهم انهاروا من المفجاه الحزينه اللى محدش متوقعها
وفى تانى يوم قالوا هيخوا ام محمود ربنا يرحمها علشان يدفنوها
وفى الوقت ده يموت المولود ويتغسلوا هما الاتنين
ويدفنوا مع بعض فى مقبره واحده
ويروح محمود ومريم يعيشوا عند الزوجه الاولى اللى هى مرات ابوهم
وفرحت بيهم وكل الكره اللى كرهته لضرتها اتحول حب لمحمود ومريم
وكانت تتمنى انها تفضل ضرتها طول العمر
بس تفضل عايشه مع ولادها
الله يرحمك يامرات ابويا يوم الاحد 13\5\2012
الدنيا دى فانيه مستهلش لحظه نزعل فيه من بعض
ربنا يرحمك

رد: يا ضرتى بعد موتك راحت فرحتى

رد: يا ضرتى بعد موتك راحت فرحتى

شكرا ياخى على الرد
ارجوا كل من يقراها يدعى لام محمود بالرحمه
ويدعى لامى وابى بالهدايه وان لايميتهم الله الا وهو راضى عنهم

رد: يا ضرتى بعد موتك راحت فرحتى

السلام عليكم ورحمه الله وبركاته
ده جزء تانى معلش لو هطول عليكم بس انا بحب افضفض معاكم
بعد ما دفنا ام محمود رحمها الله وابتدا الصراخ والبكاء والنواح من اهلها على فرقها
يرجعوا الى البيت علشان العزاء والناس قاعده تبكى يطلب اهل ام محمود من رضا انه يتجوز اخت ام محمود
مع ان رضا اكبر منها باكثر من عشرين سنه ولان حلته متيسره وهما ظرفهم على قدهم
قاله يجوزوا قبل ماتنقطع العلاقه بينهم وطلبوا انهم يخدوا محمود ومريم بحجت انهم من ريحه امهم
ولما مالقوش امل من رضا انه يتجوز اخت ام محمود طلبوا ان يعيش محمود ومريم مع جدتهم ام امهم فى بيت ام محمود ويبات رضا ليله عند زوجته الاولى وليله عند محمود ومريم زى ماكان بيعمل قبل ماتموت ام محمود
رفض رضا وقال باى حق ابات هنا ليله وهنا ليله
واتصدمت الزوجه الاولى من الكلام ده بس كل اللى بتقدر عليه تدعى ربها انه ينصرها عليهم
ومحمود مبسوط وبيلعب مع اخواته ومريم متعلقه بابوبها اوى ومافيش على لسانه الا ياضضا يعنى يارضا
لدرجه ان امها الله يرحمها كانت بتقلها يامريم انتى اللى ضرتى مش نوال الزوجه الاولى
ربنا يجمعهم على خير ويحميهم من كل شر
اللهم يسرنا الخير حيث كان ثم ارضنا به