ياميدان

جورج فخرى

عضو جديد
إنضم
Apr 10, 2011
المشاركات
3
العمر
74
ياميدان
*****
ياميدان يابوالميادين
تاريخنا لك بيدين
سطرت فجر جديد
فى يوم خمسه وعشرين
وبقيت اشهر ميدان
ولا ميدان عابدين
جمعت كل الشباب
بيطالبوا بحقوقنا
من بعد مالعدل غاب
والظلم بيسوقنا
حتى الكلام الحق
دفنوه فى حلقونا
وانشقت صدورنا شق
من كتر ما خوفنا
وساد الكلام الزيف
ووعود بلا معنى
والنهب كان ع الكيف
ياراوى سمعنا
اللى بيسكت على حقه
زى الشيطان لاخرس
والخوف بيسكن فى حلقه
والألسنه تخرس
نزلوا الشباب ع الميدان
رافعين مطالبهم
وهبوا كما الطوفان
ولا شئ حيغلبهم
كرهوا السكوت والخوف
وعليت حناجرهم
طالبين سقوط النظام
ومحاسبة الفاسدين
والكل هب وقام
مسلمين ومسيحيين
يام الشهيد افرحى
ابنك مارحش بلاش
ابنك ده صحا بلد
خارجه من الانعاش
مبروك عليكى يامصر
شبابك الحلوين
ماشين من نصر لنصر
وللعمار راجعين
************
 
رد: ياميدان

جورج

كلمات جميلة تصف ما كنا في وما سوف نصبح فيه

وباذن الله القادم افضل
 
رد: ياميدان

ياميدان يابوالميادين
تاريخنا لك بيدين

سطرت فجر جديد
فى يوم خمسه وعشرين

في يوم خمسه وعشرين
طلعوا الشباب ثايرين
عرفنا كل العالم
مين هما المصريين
المصري هيفضل مصري
راجل ولا كل الرجاله
قادر يثبت للدنيا
بالفعل مش بقواله
ما يهمه يرجع علي بيته
علي رجله او ع النقاله
انا مصري بقولها لكل الناس
اسمك علي عيني وكل الراس
حقك علي قلبي يا غاليه خلاص
زمن الاوباش اهو ولي وفات
وفي كل ميدان هنقول بثبات
ارحل يا فساد وكفايه ازمات
يالا يا احرار
يالا يا ثوار
بايدينا هناخد اي قرار
عصر الاقزام اهو ولي وطار


سلمت يمينك علي هذه القصيدة الرائعه

تقبل مروري
 

أحدث المواضيع

أعلى